lalaei.mp3

لالا لالا کوهی کوتر
برمه نکن امبه ته ور
امبه گهره ره تو دمبه
ته غم دریا او دمبه
پسر لالا دتر لالا
منه ارمون دل لالا
نهینی مار خور لالا
مه دل شیشه دنیا سنگه
مه دل ته وسه تنگه
....
ته دست هیمه و رسن بورده
ته قد نشاء و خرمن بورده
اتا دم راحت دنیا نکردی
ته عمر صحرا بتتن بورده
لالا لالا خسته تن بلاره
شه مار بوی پیرهن بلاره
ته می گهره دایی تو بلاره
ته شو مسه نشی خو بلاره
مسه لالا خوندسی تا سوایی
مسه داشتی آرزو ته بلاره
لالا لالا دل دارنه ارمون بلاره
بی تو دنیا می زندون بلاره
ته دوش مشته هیمه من ته بلاره
ته دست پر از پینه من ته بلاره
یا نشاء کاردی یا مال پی دهی
ته سر و تن خسته من ته بلاره
لالا لالا چشم مشت اسری بلاره
ته مه دنیای خوشی بلاره
آفتاب تنه دل گوشه نوونه
بهار ته دست ونوشه نوونه
اگه دنیای خوشی مه بواشه
جان مار گرم کشه نوونه
لالا لالا شه غمخوار بلاره
اسا ونه تن نخار بلاره
http://rahman07.blogfa.com/post/207 خواندن ادامه